Soni Mustivar: "Bu nəticələrdən dərs çıxarmalıyıq"

Azərbaycan Premyer Liqasının birinci turunda evdə “Sabah”la 1:1 hesablı heç-heçə edən “Neftçi”nin yarımmüdafiəçisi Soni Mustivar oyundan sonra müsahibə verib.
 
Newsport.az xəbər verir ki, komandasının yeganə qolunu vuran haitili futbolçu öncə oyunu şərh edib:
 
- Səbəbi sizə deyə bilmərəm. Oyuna yenidən baxmalı, təhlil etməliyik. Bu nəticələrdən, oyunlardan dərs çıxarmalıyıq. Nə qədər güclü və hücumameyilli olsaq da, heç vaxt arxanı unutmamalıyıq.
 
- “Bney Yehuda” ilə oyunlardakı uğursuzluğun təsiri var idimi?
- Futbolda belə şeylər olur. Məğlub ola və ya qalib gələ bilərsən. Bunlar futbolun bir hissəsidir. Heç kim uduzmaq istəmir və bunu sevmir. Ancaq futbolçu buna alışmalı və öyrəşməlidir. Bu gün uduzmusansa, növbəti matça köklənməlisən. Biz də bunu edirik.
 
- “Bney Yehuda”nı keçməyə nə mane oldu? “Sperantsa” və “Arsenal”a qarşı oyunları niyə təkrarlaya bilmədiniz?
- Futbolda belə hallar olur. Öz səviyyəmizdə oyun göstərmədik. İsraildə lazım olan qədər intensiv oynamadıq. Fikrimcə, əsas səbəb bu idi. Ümumiyyətlə, səbəblər çox idi. Heç özüm də bilmirəm, çoxdur. Biz uduzduq, öz oyunumuzu göstərə bilmədik.
 
- Növbəti oyununuz “Zirə”yə qarşıdır. Premyer Liqada bu mövsüm ilk qələbənizi qazana biləcəksiniz?
- Futbolda çalışıram ki, öncədən qələbəyə söz verməyim. Söz verirəm ki, növbəti oyunda qələbə üçün əlimizdən gələni edəcəyik.




Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah