Ötən mövsümün sonunda "Neftçi"dən ayrılan Derlis Meza Kollinin yeni klubu məlum olub.
Newsport.az-ın məlumatına görə, paraqvaylı yarımmüdafiəçi karyerasını yenidən Rumıniyada davam etdirəcək. Derlis II liqada çıxış edən "Petrolul"la (Ploeşti) müqavilə imzalayıb. 30 yaşlı futbolçu komandanın Türkiyədəki təlim-məşq toplanışına qatılıb.
Daha öncə "Neftçi"nin digər sabiq futbolçusu - Petru Raku "Petrolul"la müqavilə imzalamışdı.
Derlis Meza Kolli sonuncu dəfə 2017/18 mövsümündə "Neftçi"də çıxış edib. Təcrübəli oyunçu "İnter" və "Qəbələ"nin də formasını geyinib.
Derlisin qardaşı Sezar Meza Kolli isə Rumıniyanın "Uniersitatya Krayova" klubundan "Keşlə"yə qayıdıb.