"Neftçi"nin mövsüm bitən kimi yollarını ayırdığı moldovalı legioneri Petru Raku karyerasını Rumıniyada davam etdirəcək. Newsport.az xəbər verir ki, 31 yaşlı müdafiəçi "Petrolul" klubuna keçib. Ploeşt təmsilçisi Petruyla 1 illik müqavilə imzalayıb.
İkinci liqada çıxış edən bu komandanı Rakunun həmyerlisi Flavius Stoykan çalışdırır. O, yaxın keçmişdə "Zimbru"nun baş məşqçisi olub. "Petrolul" ötən mövsümü 4-cü pillədə bitirib.
Xatırladaq ki, "Neftçi"nin baş məşqçisi Roberto Bordin "Şerif"də rəhbərliyi altında oynamış Petrunu qış fasiləsində yanına gətirərək ona cəmi 2 matçda ona şans verdi və mayda başa çatan müqavilə uzadılmadı.