"Neftçi"nin Avropa Liqasının II təsnifat mərhələsindəki potensial rəqibi "Arsenal" yeni mövsümün hazırlıqlarını Avstriyada davam etdirir. Newsport.az saytının məlumatına görə, Premyer Liqa təmsilçisi yoxlama görüşündə qüvvəsini sınayıb.
Tulalılar "Pribram"la qarşılaşıb. Əvvəlki 3 sınaq matçında ümumilkdə qapısında 11 cavabsız top buraxan Çexiya klubu bu dəfə qolsuz bərabərliyə nail olub.
Qeyd edək ki, "Arsenal" Avropa Liqasının II mərhələsində "Neftçi" - "Sperantsa" (Moldova) cütünün qalibi ilə qarşılaşacaq. İlk oyun iyulun 25-də Rusiyada, cavab görüşü isə avqustun 1-də rəqib meydanında keçiriləcək.