"Qarabağ" Avstriyada təlim-məşq toplanışını davam etdirir.

Newsport.az-ın klubun saytına istinadən yaydığı xəbərə görə, komanda 9-cu günü iki məşqlə başa vurub. Günün ilk məşqi yerli vaxtla 11:00-da (Bakı vaxtı ilə 13:00) start götürüb və 90 dəqiqə davam edib. Futbolçular isinmə hərəkətlərinin ardından toplu çalışmaları yerinə yetirib. Hazırlıq taktiki çalışmalarla başa çatıb.

Günün ikinci məşqi isə yerli vaxtla 18:00-da (Bakı vaxtı ilə 20:00) start götürüb. Bu məşqdə isə futbolçular ikitərəfli oyun keçirib.

Qeyd edək ki, "Qarabağ" bu gün Avstriyada üçüncü yoxlama oyununu keçirəcək və Rusiyanın "Ufa" klubu ilə qarşılaşacaq.