2019/2020 mövsümü üçün transfer çalışmalarını davam etdirən “Sumqayıt” FK daha bir futbolçu ilə müqavilə bağlayıb.
Newsport.az-ın məlumatına görə, "gənclik şəhəri" təmsilçisi son mövsümü “Sabah”da keçirmiş Elgün Nəbiyevi heyətinə cəlb edib. 1 illik icarə əsasında “Sumqayıt”da çıxış edəcək 23 yaşlı futbolçu 11 nömrəli formanı geyinəcək.
Qeyd edək ki, Elgün Nəbiyev “Sabah”la yanaşı (25 oyun, 1 qol) “Zirə”nin də (4 oyun) uğurları üçün çalışıb.