"Qarabağ" 2019/20-ci illər mövsümünün hazırlıqlarına başlayıb.
Newsport.az klubun saytına istinadən xəbər verir ki, ötən gün öz bazasında bir araya gələn komanda axşam saatlarında "Azərsun Arena"da ilk məşqinə çıxıb. Milli komandalarda olan futbolçular hazırlıqda iştirak etməyib. Əvəzində isə əvəzedici komandanın bir neçə üzvü məşq prosesinə cəlb olunub.
"Qarabağ"ın Bakı toplanışı iyunun 17-nə qədər davam edəcək. Komanda bir gün sonra Avstriyaya yollanaraq hazırlığın ikinci mərhələsini orada keçirəcək.