Bu gün “Qarabağ”ın direktoru Əmrah Çəlikəl üçün əlamətdar gündü.
Newsport.az-ın məlumatına görə, klub rəsmisinin 43 yaşı tamam olur.
Çəlikəl Azərbaycan futbolunda ən titullu klub rəsmilərindəndi. Artıq 15 ildir futbol təsərrüfatımızda olaraq Ağdam təmsilçisinin əsas rəhbər şəxslərindəndi. Əmrah bəy 2004-cü ildə kluba gələndə “Qarabağ-Azərsun” yenidən “Qarabağ” adlanmağa başladı. Komanda 7 çempionluğundan 6-nı (2014, 2015, 2016, 2017, 2018, 2019) və 6 kubokda 5-ni (2006, 2009, 2015, 2016, 2017) məhz bu müddətdə qazanıb. Ancaq bu 11 tutuldan başqa 1 gümüş (2013), 3 bürünc medal (2004, 2010, 2011) da olub. “Qarabağ”ın Avropa Liqasında uğurları, 4 mövsüm (2014, 2015, 2016, 2018) bu turnirdə, 2017-ci ildə isə Çempionlar Liqasında (ÇL) qrupa düşərək Azərbaycan futbolunda tarixi uğura imza atması titula bərabər nailiyyətdi.
Newsport.az kollektivi Əmrah bəyin ad gününü təbrik edir, can sağlığı, işlərinizdə uğurlar arzulayır.