"Qərarımı Bakı səfərindən sonraya saxlamışam"

"Arsenal"ın qapıçısı Petr Çex gələn aydan "Çelsi"nin idman direktoru vəzifəsində fəaliyyətə başlaya bilər. Newsport.az saytının Britaniya mətbuatına istinadən məlumatına görə, Avropa Liqasının final qarşılaşmasından sonra karyerasını bitirəcək çexiyalı qolkiperin "zadəganlar"la anlaşdığı bildirilir.

Bu xəbər isə həlledici oyun öncəsi "Arsenal" azarkeşlərinin narazılığı ilə qarşılanıb. Hətta onlar Çexin final görüşünə aparılmamasını tələb edirlər. Lakin 37 yaşlı qolkiper tvitter səhifəsində "Çelsi" ilə anlaşdığına dair yayılan xəbərləri təkzib edib: "Əvvəllər də dediyim kimi, qərarımı Bakı səfərindən sonraya saxlamışam. Hazırda bütün diqqətimi "Arsenal"la Avropa Liqasının kubokunu qazanmaq üçün yönəltmişəm. Gələcəyim haqda ondan sonra düşünəcəm".

Qeyd edək ki, Avropa Liqasının final oyunu mayın 29-da "Arsenal"la "Çelsi" arasında Bakı Olimpiya Stadionunda keçiriləcək.





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah