"Qarabağ"ın futbolçuları üçün yubiley

Azərbaycan Premyer Liqasının XXV turunun “Keşlə” ilə oyunu “Qarabağ”ın iki futbolçusu üçün yubileylə əlamətdar olub.

Newsport.az-ın məlumatına görə, Mahir Mədətov və Maksim Medvedev yubiley matçına çıxıblar. Sonuncu rekordçusu olduğu Ağdam klubunun heyətində ümumilikdə 400-cü oyununu keçirib. Maksim bu görüşlərdə 12 qol vurub. 30 yaşlı arxa xətt oyunçusu çempionatda 282 (10 qol), kubokda 37 (1 qol), avrokuboklarda 81 (1 qol) dəfə meydana çıxıb.

Mahir isə Premyer Liqada 100-cü oyununu keçirib. 22 yaşlı hücumçu bu qarşılaşmalarda 28 qol vurub. Bütün qollarını indiki klubunda rəqib qapısından keçirən Mədətov ağdamlıların heyətində 84 çempionat qarşılaşmasında şans qazanıb. O, digər 16 matçı yetirməsi olub debüt etdiyi “Bakı”da keçirib.

Qeyd edək ki, “Qarabağ” “Keşlə”ni üç cavabsız qolla məğlubiyyətə uğradıb.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right