“Qarabağ” Futbol Klubunun təşkilatçılığı ilə 11 yaşadək futbolçular arasında “Bahar Kuboku” turniri keçirilib.

Newsport.az saytının məlumatına görə, 8 komanda 2 qrupda mübarizə aparıb. Turnirdə “Sabah”, “Zirə”, “Vətən”, “Qarabağ”, “Qarabağ-2”, “Səbail”, “Sumqayıt” və “Neftçi” komandaları iştirak ediblər.

Turnirin qalibi Elvin Həsənovun rəhbərlik etdiyi “Sabah” klubu olub. İkinci yeri “Vətən”, üçüncü pilləni isə “Zirə” komandası tutub.