"Yurçeviçin qərarı bizi təəccübləndirdi" - Sənan Qurbanov

“Gərgin, mübarizəli oyun olacağını gözləyirdik. Belə də oldu”.

Newsport.az saytının məlumatına görə, bu sözləri “Qəbələ”nin baş məşqçisi Sənan Qurbanov deyib. 

“Qırmızı-qaralar” Azərbaycan Premyer Liqasının XXI turunda səfərdə “Qəbələ” ilə heç-heçə edib.

Oyundan sonra baş tutan mətbuat konfransında iştirak edən gənc mütəxəssis fikirlərini bildirib: “İlk hissədə oyunumuz yaxşı alınmadı. Amma ikinci hissədə yaxşı futbol orttaya qoyduq. Hesabda geri olsaq da, özümüzə gələ bildik. Uşaqları mübarizəyə görə təbrik edirəm”.

- Kubokda da mübarizəni davam etdirirsiniz. Daha çox diqqətinizi hansı yarışa yöndəldəcəksiniz?

- İki cəbhədə də mübarizə aparmağa çalışacağıq. Həm kubok oyununa belə yanaşacağıq, həm də çempionatda yaxşı çıxış etməyə çalışacağıq.

- “Qəbələ”nin heç bir futbolçusu milli komandaya dəvət almayıb. Baş məşqçinin qərarı sizi təəccübləndirmədi?

-Əlbəttə, baş məşqçinin qərarı bizi təəccübləndirdi. Lakin onun qərarına müdaxilə edə bilmərik. Amin Seydiyev, Bəhlul Mustafazadə, Rauf Əliyev və digər futbolçularımız millidə oynamağa layiqdirlər. Ancaq baş məşqçinin qərarı barədə danışmaq istəmirəm.   

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right