"Futbol klubları, adətən, təkcə Azərbaycanda yox, bütün dünyada sponsor tərəfindən maliyyələşdirilirlər" - bu sözlər Azərbaycanın gənclər və idman naziri Azad Rəhimovə məxsusdu.
GİN rəhbəri "Kəpəz"in Premyer Liqaya qayıdış variantını belə şərh edib: "Sponsor üçün də əlverişli variant seçilib. Premyer Liqada iştirak üçün tələb olunan maliyyə vəsaitinin məbləği AFFA-nın Növbəti Hesabat Konfransında səsləndirildi. Bu vəsait ona görə lazımdı ki, futbolçular ilboyu maaş ala bilsinlər, ezamiyyət pulları verilsin. Sponsor tapılarsa, "Kəpəz"in çıxışını Premyer Liqada davam etdirməsinə şad olarıq".