Tərlan Əhmədov: "Səbəbi mənim üçün də qaranlıqdır"

Azərbaycan Premyer Liqasında XIX turun “Keşlə” – “Qarabağ” oyunundan (0:1) sonra təşkil edilən mətbuat konfransında meydan sahiblərinin baş məşqçisi Tərlan Əhmədov fikirlərini bildirib.

Newsport.az-ın məlumatına görə, 47 yaşlı mütəxəssis matçı belə şərh edib:

“İki fərqli hissə izlədik. İlk yarıda topa nəzarət edə bilmirdik. Xırda bir səhvdən sonra rəqib bizi əks-hücumda yaxalayıb, qol vurdu. Kaş ki pis oynayıb, xal qazanardıq. Bəzi zədəlilərimiz var idi. Bu gün Amil Yunanov 4-cü sarı vərəqəsini aldı. İkinci hissə gələcəyə ümid verirsə, ilk yarıdakı nöqsanlardan nəticə çıxarmalıyıq”.

Baş məşqçi əsas problemlərinin futbolçuların arxaya, xüsusən də qapıçıya ötürmə etmələri olduğunu vurğulayıb:

“Ən böyük problem budu. Rəqibi təzyiq altında saxladığın vaxtda qapıçı Kamran Ağayevə ötürmə verilir. Məşqlərdə daha çox bunun üzərində işləyirik. Səbəbi mənim üçün də qaranlıqdı. Alınmır ki alınmır”.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right