Reynaldo: "O dönəm üzərimdə məsuliyyət yox idi"

Azərbaycan Premyer Liqasının 16-cı turunda "Qarabağ" səfərdə "Sumqayıt"ı 2:0 hesabı ilə məğlub edib.
 
Newsport.az-ın məlumatına görə, uzun müddət sonra "Qarabağ"a qayıdan Reynaldo Silva bu gün debüt edib. 29 yaşlı braziliyalı futbolçu oyundan sonra jurnalistlərə müsahibə verib.
 
- İlk oyun necə keçdi?
- Təbii ki, ancaq sevinc hissləridir. Çox istəyirdim ki, yenidən Azərbaycana qayıdım. Bu ölkəni, “Qarabağ”ı çox sevirəm. Geri döndüyüm üçün xoşbəxtəm. Komanda yoldaşlarıma da təşəkkür edirəm. Hələ yolun başlanğıcıdır. Bilirəm ki, əvvəlki formamı bərpa etmək üçün çox çalışmalıyam.
 
- O dönəm “Anderlext”dən “Qarabağ”a gələndə daha həyəcanlı idin, yoxsa bu gün?
- İndi daha həyəcanlı idim. Çünki o dönəm gənc oğlan idim. O dərəcədə üzərimdə məsuliyyət yox idi. Burada uzun illər keçirmişəm, hamısı gözümün qarşısında canlandı. Ona görə də indiki vəziyyət məni həyəcanlandırdı.
 
- Əvvəlki Reyandlonu görmək mümkün olacaq, yoxsa həmin vaxtlar keçdi?
- Hara keçdi, nə keçdi? Mən gəncəm. Bir oyuna görə fikir yürütmək olmaz. Üç gündür ki, komanda ilə birgə məşqlərə başlamışam. Zaman keçdikcə daha yaxşı formada olacam.
 
- Özünü Qurban Qurbanova sübut etmək üçün mövsümün sonuna qədər olan zaman kifayət edəcək?
- Kiməsə nəsə sübut etməyə lüzum yoxdur. Necə oynadığımı bilirlər. Sadəcə, uyğunlaşmaq lazımdır. Çünki burdan gedəndən sonra bir neçə çempionatda oynadım. Bilmirəm, burada dörd ay qalacam, yoxsa daha uzun müddət. Təbii ki, çox xoş olardı ki, karyeramın sonuna qədər “Qarabağ”da qalım. İstənilən halda, klubda hər kəsə təşəkkür edirəm.
 
- Azərbaycan çempionatı əvvəlki dönəmlə müqayisədə necə səviyyədədir?
- Komandaların oyun tərzi dəyişib. Əvvəllər iddialı klublar çox idi. “Bakı”, “Qəbələ” kimi iddialı klublar mübarizə aparırdı. Həmin komandalar əsl mübarizə aparıb, “dirəşirdilər”. Ancaq indiki komandalar daha mox müdafiədə oturub, gözləyirlər.
 
- “Qarabağ”ın çempionluq şansını necə qiymətləndirirsən?
- Səbirli olmalıyıq. Oyundan oyuna düşünmək lazımdır.




Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right