Azərbaycan millisinin hücumçusu Rüfət Dadaşovun komandası "Proyssen" yoxlama görüşündə qüvvəsini sınayıb. Newsport.az  saytının məlumatına görə, III Bundesliqa təmsilçisi Dortmund "Borussiya"sının II komandası ilə qarşılaşıb.

Oyun Münster klubunun 1:0 hesablı qələbəsi ilə nəticələnib. Yığmamızın üzvü bu qarşılaşmada iştirak etməyib. Baş məşqçi Marko Antverpen həm onun, həm də başqa iki oyunçunun səhhətində problem yarandığını söyləyib: "Kittner, Şerder və Dadaşov qripə yoluxub. Bizdə zədəli olmasa da, oyunçularımız tez-tez xəstələnir".

Qeyd edək ki, III Bundesliqada qış fasiləsi həftəsonu bitəcək. "Proyssen" ilk görüşdə fevralın 11-də "Lotte"nin qonağı olacaq.