"Sabah"dan ayrılan Vitali Kvaşukun yeni klubu bəlli olub.

Newsport.az-ın məlumatına görə, ukraynalı yarımmüdafiəçi karyerasını Belarusda davam etdirəcək. 25 yaşlı futbolçu yüksək liqa təmsilçisi "Qomel"ə keçib. Klub saytının yaydığı məlumata görə, Kvaşukla mövsümün sonuna kimi müqavilə imzalanıb.

Kiyev “Dinamo”sunun yetirməsi olan Kvaşuk, karyerası ərzində Ukraynanın “Metallurq 2” (Donetsk), “Zarya 2” (Luqansk), “Olimpik” (Donetsk), Belarusun “Torpedo” (Jodino), “Vitebsk” və “Neman Qrodno” klublarında top qovub. O, "Sabah"a ötən yay keçmişdi və 11 oyuna 1 qol vurmuşdu.