“Qarabağ”ın əvəzedici heyətinin məşqçi korpusu tam təsdiqlənib. Azərbaycan milli komandasından ayrılan Azər Məmmədovu baş məşqçi postuna gətirən “Qarabağ”da köməkçilər də tam müəyyənləşib.
Newsport.az xəbər verir ki, ölkə futbolunun rekordçularından biri olan Azər Məmmədov Aleksandr Qrossla yanaşı, Muarem Zekiri də yanına gətirib. Zekir komandada qapıçı məşqçisi funksiyasını yerinə yetirəcək. Artıq uzun müddətdir ki, Azərbaycanda olan makedoniyalı mütəxəssis “Bakı” klubunda 10 ilə yaxın çalışıb. O, bir müddətdi ki, “Qarabağ” akademiyasında fəaliyyət göstərirdi.