“Qarabağ” sabiq futbolçusu Reynaldonu yenidən heyətə qaytarıb. Newsport.az xəbər verir ki, 2013/2016-cı illərdə klubun şərəfini qorumuş futbolçu ilə müqavilə imzalanıb.

Onunla sözləşmənin müddəti 2,5 illikdir. Ağdam klubunun heyətində 87 oyun keçirib 43 qol vuran futbolçu fikirlərini də klubun rəsmi saytına açıqlayıb: “Evimə gəldiyim üçün xoşbəxtəm. Karyeramın ən gözəl anlarını burada keçirmişəm. Səbrsizliklə “Qarabağ” formasıyla yenidən meydana çıxmağımı gözləyirəm. Bunun üçün də yaxşı formada olmağım üçün əlimdən gələni edəcəm. Klub rəhbərliyi, məşqçilər heyəti, azarkeşlər, “Qarabağ” camiəsi mənim üçün çox doğmadır. Bura komandaya fayda verməyə və “Qarabağ”la yeni uğurlar qazanmağa gəlmişəm”.