Futbol üzrə İspaniya Sequndasında 17-ci turun oyunları keçirilib.
Newsport.az xəbər verir ki, Azərbaycan yığmasının yarımmüdafiəçisi Eddi İsrafilovun formasını geyindiyi “Alkorkon” da növbəti matçına çıxıb.
Sözügedən kollektiv doğma meydanda “Reus” ilə üz-üzə gəlib. Futbolçumuzun komandası bu qarşılaşmadan məğlubiyyətlə ayrılıb - 0:1.
İsrafilov da bu görüşün iştirakçısı olub. O, start heyətdə meydana çıxıb və sonadək oynayıb. 73-cü dəqiqədə isə İsrafilov sarı vərəqə ilə cəzalanıb.
Hazırda 33 xala malik “Alkorkon” ardıcıl məğlubiyyətlərdən sonra 22 kollektiv arasında 2-ci pilləyə düşüb.