“Qələbə komandaya özünəinam gətirir. Son 2 oyunda 10 qol vumuşuq, bu, çox yaxşı haldır”.
Newsport.az xəbər verir ki, bu sözləri “Sportinq”in yarımmüdafiəçisi Bruno Fernandeş klubun rəsmi saytına açıqlamasında deyib. Avropa Liqasının qrup mərhələsinin 5-ci turunun “Qarabağ”la Bakıdakı oyununda dubl edən portuqaliyalı futbolçu 6:1 hesablı qələbəni şərh edib:
“Hər iki matçda demək olar ki, yaratdığımız bütün imkanlardan yararlandıq. Böyük komandalara qalib gəlmək üçün kifayət qədər keyfiyyətimiz var. “Qarabağ”la oyunda əsas məqsədimiz sürətli hücum etmək və erkən qol vurmaq idi. Düşünürəm ki, buna müvəffəq olduq”.