“Sportinq”in futbolçusu Andre Pinto Avropa Liqasının qrup mərhələsinin V turunda “Qarabağ”la oyun öncəsi keçirlən mətbuat konfransında jurnalistlərin suallarını cavablandırıb. Newsport.az-ın məlumatına görə, o, əvvəlcə matçla bağlı fikirlərini bildirib.
- Çox yaxşı durumdayıq və sabahkı oyuna hazırıq. Bizi çətin oyun gözləyir. Qələbə bizi növbəti mərhələyə daşıyacaq. Ümid edirik ki, 6 aydan sonra yenidən Bakıya qayıdacağıq. Sabahkı görüşdə fərqli “Qarabağ” gözləmirik. Yəqin ki, ilk matçdakı kimi oynayacaqlar. Eyni oyun fəlsəfəsinə malik komandadır. Cinahdan oynayır, əks-hücumlara tez-tez bel bağlayır və çalışırlar sürətli çıxış etsinlər. “Qarabağ” özünə əmin komandadır. Sabah da onlardan bu performansı gözləyirəm".
- Heyətdə itkilər kifayət qədərdir. Bu, sizə problem yaratmayacaq?
- “Sportinq” böyük komandadır. Burda oyunçuların kimliyi önəm daşımır. Hamımız qələbəyə köklənmişik.
- Sabah meydana çıxacaqsınız?
- Bu hələ bilinmir. Baş məşqçi yekun qərarı sabah verəcək.
- Baş məşqçi qısa müddətdi sizinlə çalışır. Onunla bağlı düşüncələriniz nələrdi?
- Burda futbolçuların üzərinə böyük məsuliyyət düşür. Onlar çalışmalıdır ki, baş məşqçinin ideyalarını qısa müddətdə həyata keçirə bilsinlər. Həmçinin məşqlərdə öyrəndiyimizi oyunlarda tətbiq etməliyik.