Milli komandamızın sabiq üzvü Elhad Nəziri maraqlı fikirlər səsləndirib.

 

Newsport.az-ın “komanda.az”a istinadən yaydığı xəbərə görə, o, futbolçu olduğu dönəmdə aldıqları mükafatdan 15 min manatın geri tələb olunduğunu bildirib: “Karyeramı erkən yaşda başa vurmağımın səbəbi genişdir. Milli komandada olarkən mənə verilən mükafatın 15 min manatını geri istədilər. Mən də bir-iki futbolçu ilə məsləhətləşdim və pulu vermədim. Ondan sonra 1-2 kluba deyildi bu barədə. Gördüm ki, mümkün deyil heç nə, mən də futbolla vidalaşdım. Artıq Azərbaycan futbolundan iyrənmişəm”. 

 

O, mükafatı geri qaytarmağını kimlər istədiyi bağlı suala cavab olaraq deyib: “İsraillə oyundan sonra Bakıya qayıtdıq. Bir neçə gün keçdi və mükafatları verdilər. Hamı kimi mən də gedib pulumu aldım. Üstündən 3-4 saat keçdi, zəng edib məndən mükafatın 15 min manatanı geri istədilər. Mən də qaytarmadım. Çünki oradakılar kimi həmin pul mənim də haqqım idi. Orda məndən artıq adam yox idi”