"Müqayisə etsək, Kosova ilə oynaya bilərik" Maksim Medvedev

“Bizim üçün çox ağır oyun oldu. Uzun zamandır bu qarşılaşmanı gözləyirdik. Bildiyiniz kimi, iki həlledici oyundan birinə çıxdıq. İki oyuna 6 xal qazanıb, birinci yerə yüksələ bilərik. Bu günkü oyuna çox yaxşı hazırlaşmışdıq. Rəqibi analiz edib, baş məşqçimizin tapşırıqlarını yerinə yetirdik. İstədiyimiz kimi hücuma çıxıb, lazım olan qolları vurduq”.


Newsport.az xəbər verir ki, bu sözləri milli komandamızın futbolçusu Maksim Medvedev Millətlər Liqasının 5-ci turunda Bakıda Farer adalarını 2:0 hesabı ilə məğlub etdikləri oyundan sonra jurnalistlərə açıqlamasında deyib. O, rəqibin ikinci hissədə təyziq etdiyini deyib: “Rəqib ikinci hissədə 5-li müdafiə sistemini dəyişdi. Bir müdafiəçinin yerinə hücumameylli futbolçu meydana çıxdı. Ona görə bir az təyziq etməyə başladılar. İki qolla öndəydik və risk eləmək istəmirdik. Çalışdırdıq ki, daha sərbəst oynayaq. Belə deyim, özümüzdən fantastika yaratmaq istəmirdik. Daha rahat, dəqiq ötürmələrlə hücuma çıxmaq istəyirdik”.


29 yaşlı sağ cinah müdafiəçisi növbəti turdakı Kosova ilə oyun haqda da danışıb: “Futbolçuların ustalığı yüksək səviyyədədir. Belə müqayisə etsək, Kosova ilə oynaya bilərik. Əsas odur ki, diqqətimiz,  psixologiyamız yerində olsun və baş məşqçinin tapşırıqlarını yerinə yetirək”

 

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right