Avropa Liqasının qrup mərhələsinin 4-cü turunda keçiriləcək “Vorskla” – “Qarabağ” matçının hakimləri müəyyənləşib. Newsport.az xəbər verir ki, qarşılaşmanı isveçrəli hakimlər briqadası idarə edəcək.
Oyunun baş hakimi Sandro Şarer olacaq. Ona Stefan De Almeyda və Bekim Zoqay kömək edəcəklər. 4-cü hakim funksiyasını isə Raffael Zeder yerinə yetirəcək.
Qeyd edək ki, noyabrın 8-də keçiriləcək “Vorskla” – “Qarabağ” qarşılaşması Bakı vaxtı ilə 00:00-da start götürəcək.