"Başqa klubda belə hal olsa, ona məğlubiyyət verilməsinin tərəfdarı deyiləm"

"Danışmağa çox ehtiyac yoxdu. Texniki m0əğlubiyyət olacaq. Futbolçular bir müddət idi bir yerdə deyildilər. Bunun da təsiri olmuşdu. "Səbail”i təbrik edirəm”. 

Newsport.az saytının məlumatına görə, bu sözləri "Qarabağ”ın baş məşqçisi Qurban Qurbanov evdə "Səbail"ə 1:0 hesabı ilə qalib gəldikləri, lakin adı protokolda olmayan oyunçu meydana buraxdıqları üçün texniki məğlubiyyətlə nəticələnəcək görüş barədə danışarkən deyib. 

- Yanlış əvəzetmə zamanı meydanda olan futbolçuların bundan xəbəri var idimi?

- Xeyr.

- Bunda məsul şəxs kimdi?

- Əlbəttə ki, bütün məşqçilər buna baxmalıdı. Amma hakimlər də futbolçu meydana girən zaman protokola baxmalıdı. Bəlkə kənar adam gəlib oturub. Əlbəttə ki, ən böyük səhv özümüzdədi. Protokolu hamı yoxlamalıdı. Biz səhv etmişik. Amma yanımızda 11 futbolçu oturur. Bundan sonra köməkçilər daha diqqətli olacaqlar. İstəmərəm ki, digər klublarda olsun. Fikrimcə, hakimlər də diqqətli olsalar, hamıya kömək etmiş olarlar. Futbolçular 90 dəqiqə əziyyət çəkirlər. Məğlubuyyətin əvəzini çıxmaq olar. Amma onların əziyyətinə heyfim gəlir. Siyahıya 23 futbolçu yazanda aləm dəyir bir-birinə. Həm legioner, həm gənc oyunçu limitinə baxmalısan. Hər kəs diqqətli olmalıdı. Bu gün texniki məğlubiyyət versinlər. Amma gələcəkdə başqa klubda belə hal olsa, ona məğlubiyyət verilməsinin tərəfdarı deyiləm.

- "Qarabağ”da ikinci dəfədi belə hal yaşanır. Görünür birinci səhvdən dərs çıxarılmayıb?

- Keçən dəfə legioner limitini pozmuşduq. Riçardı daha tez buraxmışdıq. Sadəcə, yerlərdə səhv etmişdik. Amma Abbas yerli futbolçudu. Onun adının yazılmaması taledi. O, əvvəllər 60-65 dəqiqə oynatmağı düşünürdük. Amma zədədən yeni qayıdıb. 

- "Vorskla” ilə oyunöncəsi müdafiənin mərkəzi ilə bağlı planınız nədi? Rahil Məmmədovun meydana çıxmamağı nə ilə bağlıdı?

- Rəşadın da, Yakubun da oynamağına ehtiyac var idi. Neçə vaxt idi oynamırdılar. Rahil yığmanın son oyunlarında az oynamamışdı. Balansı qorumağa çalışdım. Bu gün Qara Qarayevi də sonradan meydana buraxdım. Futbolçuları düşünmək, qoruyub saxlamaq lazımdı. Həm fiziki, həm də psixoloji cəhətdən.

- "Neftçi” də uduzdu. Ancaq yenə də liderlik mövqeyində qərarlaşacaq. Qarşıdakı turda da onlarla qarşılaşacaqsınız...

- Bu barədə heç nə demək istəmirəm. Texniki səhv mənə mənfi təsir etdi. "Vorskla” ilə matça qədər futbolçuları da hazırlamaq lazımdı. Çünki bu gün çox məyus idilər. Oyun proqramımız çox ağırdı. Ardıcıl 3 gündən bir oyunlarımız var. Ardından milli komandanın matçları gəlir. Futbolçuları həmin qarşılaşmalara düzgün hazırlamağa çalışacağıq. "Neftçi” barədə düşünmürəm. Heç oyunun gedişində də onların oyununu düşünmürdüm.

- Qoşunu döyüşə hazırlayan sərkərdə özünü bu sıx qrafikə kökləyə bilir?

- Əlbəttə, çox ağırdı və çox yoruluram. Təkcə işləmək məni yormaz. Bəzən heç nədən məndə gərginlik yaradır. Texniki bir səhv, hansısa detal mənim fikrimi yayındırır. Bilsəm ki, diqqətim təkcə işdədi, yorğunluq olmur. Adicə məşqdə istədiklərimiz olanda özümüz həzz alırıq. Bəli, yorğunluq olur.

 
 
 




Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah