Kosovo millisinin baş məşqçisi Bernard Şalland komandasının Millətlər Liqasındakı şansları barədə fikirlərini bölüşüb. Newsport.az xəbər verir ki, 67 yaşlı mütəxəssis yarışın yarımfinalında hansı rəqiblə qarşılaşmaq istəməsi sualını özünəməxsus qaydada cavablandırıb:
“İndi potensial rəqiblər barədə düşünmürəm. Bütün fikirlərim qrup mərhələsində qalan 2 oyundu. Məni Malta və Azərbaycan yığmaları üzərində necə qələbə qazanmaq barədə sual düşündürür. Əsas rəqiblərimiz bu iki komandadı”.
Qeyd edək ki, Millətlər Liqasının C qrupunda mübarizə aparan Kosovo 4 turdan 8 xalla liderdi. Şallandın komandası millimizi 2 xal arxada qoyur.