"Qəbələ"nin ukraynalı sabiq futbolçusu Aleksey Qayın yeni klubunun adına aydınlıq gəlib.
Newsport.az-ın məlumatına görə, 35 yaşlı futbolçu vətəninə qayıdıb. Yarımmüdafiəçi Ukrayna Premyer Liqasında çıxış edən Donetsk "Olimpik"i ilə mövsümün sonuna kimi müqavilə bağlayıb.
Qeyd edək ki, Qay 2015/16-cı illərdə "Qəbələ"də çıxış edib. Ukrayna millisinin sabiq üzvünün son klubu Rusiyanın I Divizion təmsilçisi "Kuban" olub.