Premyer Liqanın 4-cü turunun “Sumqayıt”la oyununda (1:0) zədələnən “Qarabağ”ın kapitanı Rəşad Sadıqov artıq məşqlərə başlayıb.
Newsport.az-ın klubun rəsmi “Feysbuk” səhifəsinə istinadən yaydığı xəbərə görə, təcrübəli müdafiəçi artıq 4 gündür fərdi qaydada məşq edir.
Qeyd edək ki, Sadıqov zədə səbəbindən Avropa Liqasında “Sportinq” (0:2) və “Arsenal”la (0:3) oyunları, eyni zamanda, çempionatda “Qəbələ”, “Zirə” və “Sabah”la matçları buraxıb.