Bu gün “Qarabağ”ın bazası xüsusi qonaq qəbul edib. 

Newsport.az-ın klubun saytına istinadən yaydığı xəbərə görə, Braziliya millisi ilə ikiqat dünya çempionu olmuş Kafu komandanı ziyarət edib. 

Braziliya millisinin sabiq kapitanı klubun direktoru Emrah Çəlikəl, komandanın baş məşqçisi Qurban Qurbanovla görüşüb və çay masası arxasında "Qarabağ"ın son illərdəki çıxışından söhbət açılıb. Sonda isə Kafuya “Qarabağ”ın “2” nömrəli forması hədiyyə olunub. "Qarabağ"ın braziliyalı qolkiperi Vaqner Da Silvanın da həmyerlisi ilə görüşü maraqlı alınıb. Qapıçı ikiqat dünya çempionuna formasını hədiyyə edib.