"Sportinq" mənim transferim üçün böyük məbləğ vermişdi. Amma klub rəhbərliyi və məşqçilər mənimlə bağlı fərqli qərarlar verdilər".

Newsport.az-ın məlumatına görə, bu sözləri "Qarabağ"ın bolqarıstanlı yarımmüdafiəçisi Simeon Slavçev deyib. 24 yaşlı futbolçu "Sportinq"ə keçidinin yanlış addım olduğunu deyib: "Lissabon klubunun fanatları məni tanıyırlar, transferimə böyük məbləğ verildiyini bilirlər. Lakin onlar Simeonun niyə oynamadığını bilmirlər. Məni özüm istəmədən icarəyə verirdilər. "Liteks"dəki kimi barəmdə düzgün qərar verəcəklərini gözləsəm də, yanılmışdım. Səhv etmişdim. "Sportinq"lə bağlı xoş xatirəm yoxdur".

Slavçev "Qarabağ"da özünü sübut etmək istədiyini deyib: "Qarabağ"da rəhbərlik və azarkeşlər mənə hörmət edirlər. Bu da məni xoşbəxt edir. Bura tez bir zamanda uyğunlaşdım. "Qarabağ"da özümü sübut etmək istəyirəm. Uğurlu mövsümlər məni gözləyir.".

Simeon Azərbaycan çempionatı ilə bağlı danışıb: "Premyer Liqada 8 komanda iştirak edir. Çempionata qatılmaq istəyən klub bank zəmanəti verərək, Premyer Liqaya gəlir. Maliyyə durumu yaxşıdır. Stadionlar kiçik olsa da, yenidir. "Qarabağ", "Qəbələ" və "Neftçi" kimi 3 eyni səviyyədə olan klub var. Bu komandalar arasında rəqabət gedir. Bu il Avropa Liqasının finalı Bakı Olimpiya Stadionunda keçiriləcək. Bakı Vyana və Dubayın vəhdətinə oxşayır. Azəbaycanda insanlar hörmətlə yanaşırlar. Bu ölkəni ilk gündən sevdim".

Qeyd edək ki, Slavçev yayda "Sportinq"dən "Qarabağ" keçib. O Bolqarısta millisinin heyətində zədə aldığı üçün sentyabrın 20-də Avropa Liqasının qrup mərhələsində "Sportinq"ə qarşı oynamayacaq.