İlk dubl, iki yubiley

Azərbaycan Premyer Liqasının 2018/19 mövsümünün ilk dublu gerçəkləşib. 

Newsport.az-ın məlumatına görə, “Qarabağ”ın hücumçusu Mahir Mədətov “Səbail”lə qarşılaşmada vurduğu iki qolla komandasına 2:0 hesablı qələbə qazandırıb. İlk turda dubl qeydə alınmadığından, Mahir mövsümün ilkinin müəllifi olub.

Onun 2-ci topu iki yubileylə də əlamətdar olub. Mədətov “Qarabağ”ın heyətində 25-ci dəfə rəqib qapısına yol tapıb. O, Ağdam klubunun tarixində 25 və daha çox qol vuran 21-ci futbolçu olub. Matçda hesabı açmaqla hərəyə 24 qol vuran Dino Ndlovu və Dmitri Kudinova çatan Mahir, oyunun sonlarında fərqlənməklə onları arxada qoymağı da bacarıb.

21 yaşlı futbolçu həm də Premyer Liqada 20-ci qoluna sevinib. Bu topların hamısını “Qarabağ”da vuran hücumçu, digər 5 qoldan 4-nü ölkə kuboku, 1-ni avrokuboklarda qeyd edib.





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right