“Qələbə olanda əhval ruhiyyə da yaxşı olur. Bu əhvalı yaradan futbolçulara təşəkkür edirəm".
Newsport.az-ın məlumatına görə, bu sözləri "Sumqayıt"ın baş məşqçisi Nazim Sülymanov Azərbaycan Premyer Liqasının II turunda səfərdə "Sabah"a qalib gəldikləri matçdan sonra deyib.
Təcrübəli mütəxəssis növbəti oyunlarda daha ciddi hazırlaşacaqlarını bildirib: "Qapımızda qol görsək də, sonradan toparlana bildik. Futbolçularımız onlardan nə istədiyimizi bilirlər və ona uyğun oynadılar. 5-li müdafiə sistemi oyunçuların fərdi keyfiyyətlərinə uyğun seçilmişdi. Eyforiyaya qapılmaq olmaz, bu, bizim hamımıza aiddir”.
Baş məşqçi həm də Əfran İsmayılovun vəziyyətinə aydınlıq gətirib: “Əfran İsmayılov müqavilə bağlamazdan əvvəl bildirmişdi ki, sənədləşmə işim alınsa, Həcc ziyarətinə gedəcəm, biz də razılaşmışdıq. Hazırda ziyarətdədir və qayıdandan sonra komandaya qoşulacaq”.