Bolqarıstanın "Slaviya" klubunun kapitanı Emil Martınov karyerasını Azərbaycanda davam etdirəcək.
Newsport.az-ın məlumatına görə, Sofiya təmsilçisi aparıcı futbolçusunun ölkə xaricində çıxış etməsinə imkan yaradıb.
Komandanın prezidenti Ventseslav Stefanov Emilin Azərbaycan klubuna transfer olunduğunu təsdiqləyib. Ancaq onun Premyer Liqamızın hansı təmsilçisi olduğu açıqlanmayıb.
Qeyd edək ki, 26 yaşlı futbolçu karyerası ərzində "Dorostol", "Svetkavitsa", "Sliven 2000", "Spartak" (Varna), "Oborişte", "Türk SV Pfaffenhofen" və "Aikak" kimi komandalarda forma geyinib.