Bu gün Azərbaycan Premyer Liqada 2018/19 mövsümünə start verilib
Newsport.az-ın məlumatına görə, 27-ci ölkə birinciliyinə "Sumqayıt" - "Neftçi" oyunu ilə başlayıb. Əslində, mövsümün startı dünən "Qarabağ" - "Zirə" oyunu ilə verilməli idi. Amma "Qarabağ"ın Çempionlar Liqasının BATE ilə oyununa görə bu görüş təxirə salınıb.
"Kapital Bank Arena" təmirə bağlandığından "Sumqayıt" rəqibini "Dalğa Arena"da qəbul edib. Qarşılaşma "Neftçi"nin qələbəsi ilə başa çatıb. Matçda qollara Mirabdulla Abbasov və Emin Mahmudov imza atıblar.
"Sumqayıt" və "Neftçi" indiyədək 24 dəfə qarşılaşıb. Bu oyunların 12-də "ağ-qaralar", 9-da "gənclik şəhəri" təmsilçisi qələbə qazanıb, 3 görüşdə qalib müəyyənləşməyib. Top fərqində də "Neftçi"nin üstünlüyü var - 39:30.
Qeyd edək ki, turun iki oyunu sabah baş tutacaq. "Keşlə" debütant "Sabah"ı, "Qəbələ" "Səbail"i qəbul edəcək.
11 avqust
20:00. "Sumqayıt” – "Neftçi” - 0:2
Qollar: Mirabdulla Abbasov, 27, Emin Mahmudov, 72
Qırmızı vərəqə: Vurğun Hüseynov, 66 ("Sumqayıt")
Hakimlər: Rauf Cabbarov, Mübariz Haşımov, Rahil Ramazanov, İnqilab Məmmədov
Bakı, "Dalğa Arena”