2018/2019 mövsümünə hazırlıqlarını davam etdirən “Sumqayıt”ın əvəzediciləri növbəti yoxlama oyununu keçirib.
Newsport.az-ın məlumatına görə, Elbrus Məmmədovun yetirmələri Mehdi Hüseynzadə adına Sumqayıt şəhər stadionunda “Qarabağ”ın əvəzediciləri ilə qarşılaşıb.
Maraqlı idman mübarizəsi şəraitində keçən qarşılaşmada ev sahibləri 3:1 hesablı qələbə qazanıb.
“Sumqayıt”ın qollarını Elvin Nəsibov, Elvin Dəmirov və Famin Əliyev rəqib qapısından keçiriblər.