“Bu gün bizim ən böyük problemimiz komandamızın “Zirə” adını daşımasıdı. Çünki klubumuzun akademiyasının seleksiya işlərində qarşımızda ən böyük əngəl məhz budu”.
Newsport.az-ın məlumatına görə, bu sözləri Zirə Futbol Akademiyasının rəhbəri Adil Şükürov deyib.
O bildirib ki, qəsəbənin paytaxtdan kənarda yerləşməsi valideynlərin övladlarının klubun futbol akademiyasına gətirməsinə əngəldi: “Zirə” adı gələn kimi, hamı məsafəni düşünür. Amma bizim akademiyadakı komandalarımız Aviasiya Akademiyasının stadionunda məşqlərini keçir. Üstəlik, uşaqların gəliş-gedişi üçün də nəqliyyat ayırmışıq. Buna baxmayaraq, seleksiya işində xeyli problemlər yaranır”.
Qeyd edək ki, Adil Şükürov "Zirə"nin əsas komandasının baş məşqçisi vəzifəsindən ayrıldıqdan sonra akademiyada fəaliyyətə başlayıb.