Transfer çalışmalarını davam etdirən "Neftçi” daha bir futbolçu ilə heyətini gücləndirib.
Newsport.az-ın klubun saytına istinadən yaydığı xəbərə görə, komanda xorvatiyalı yarımmüdafiəçi Qoran Paratski ilə müqavilə imzalayıb. 31 yaşlı yarımmüdafiəçi növbəti mövsümün sonuna qədər "Neftçi”nin uğurları üçün çalışacaq. Yeni futbolçu komandanın heyətində 6 nömrəli forma ilə mübarizə aparacaq.
Qeyd edək ki, Qoran Paratskinin son klubu Avstraliyanın "Vellinqton Feniks” klubu olub. O, ölkəsinin gənclər yığmalarında forma geyinib.