Milli komandamız bu gün növbəti yoldaşlıq görüşünü keçirəcək.
Newsport.az-ın məlumatına görə, Qurban Qurbanovun rəhbərlik etdiyi yığmamız Qaxıstan millisi ilə qarşılaşacaq.
"Astana Arena"da keçiriləcək matç Bakı vaxtı ilə saat 20:00-da başlayacaq. Bu, Qurban Qurbanovun millimizə baş məşqçi təyin edildikdən sonra keçirilən ilk səfər oyunudur. Komandamızın bunadək 4 yoxlama oyunundan 2-i Antalyada, 2-i isə Bakıda olub.
Qeyd edək ki, bu, millimizin Qurban Qurbanovun rəhbərliyi altında 5-ci oyunu olacaq. Bunadək 4 yoxlama oyunu keçirən yığmamız Moldova və Makedoniya ilə heç-heçə edib, Belarusa məğlub olub, Qırğızıstana qalib gəlib.
5 iyun
Yoldaşlıq görüşü
18:00. Qazaxıstan – Azərbaycan - 3:0
Qol: Roman Murtazayev, 12 (1:0), Serikcan Mujikov, 14 (2:0), Bəxtiyar Zaynutdinov, 89
Hakimlər: Aleksandr Tyan, Andrey Bodyan, Viktor Mardari, Dmitri Muntyan (hamısı Moldova)
Astana. "Astana Arena”