"Qəbələ"dən ayrılan növbəti futbolçunun adına aydınlıq gəlib.
Newsport.az-ın məlumatına görə, "qırmızı-qaralar" ukraynalı müdafiəçi Vitali Vernidubla yollarını ayırıb.
31 yaşlı mərkəz müdafiəçisinin başa çatan müqaviləsinin yenilənməməsinə qərar verilib. Vernidub 2015-ci ilin yayında "Zarya"dan "Qəbələ"yə transfer olunub.
Qeyd edək ki, "Qəbələ" Vernidubdan öncə millimizin üzvü Ruslan Qurbanovla müqavilə artırmamağa qərar verib. Türkiyənin "Göztəpə" klubundan icarəyə götürülən Famussa Kone isə geri göndərilib.