Azərbaycan milli komandasının keçmiş üzvü Vüqar Nadirovun yeni klubunun adı müəyyənləşib.
Newsport.az-ın məlumatına görə, "Səbail"dən ayrılan futbolçu karyerasını ölkəmizdə davam etdirəcək.
O, paytaxtın "Sabah" klubu ilə razılıq əldə edib. Təcrübəli hücumçu Premyer Liqanın debütant komandası ilə 1 illik sözləşmə imzalayacaq.
Qeyd edək ki, Vüqar Nadirov karyerası ərzində "Qarabağ", "Xəzər Lənkəran", "Masallı", "Karvan", "Qəbələ" və "İnter" (İndiki "Keşlə") kimi komandalarda forma geyinib.