"Burada çox şey öyrənmişəm" - Roman Qriqorçuk

"Qəbələ"nin baş məşqçisi Roman Qriqorçuk Azərbaycan Kubokunun finalında "Keşlə"yə 0:1 hesabıyla uduzduqları matçdan sonra brifinq keçirib.

Newsport.az-ın Qəbələyə ezam olunmuş əməkdaşı xəbər verir ki, 52 yaşlı ukraynalı mütəxəssis əvəlcə uğursuz qarşılaşma haqda danışıb.

- Favorit olmur, xüsusilə də finalda. Həmişə şanslar bərabərdi. Bilirdik ki, yaxşı komandaya qarşı oynayacağıq. Matç bərabər səviyyədə keçdi. Sadəcə, rəqib qol epizodundan istifadə etdi, biz isə yox. Əlbəttə, çox məyusuq. Ümid edirdik ki, Qəbələdəki finalı qazanacağıq. Futbolçulara görə acıyırıq, onlar çox üzüblər. Halbuki, kuboku qazanmağı çox istəyirdilər, bu arzuyla yaşayırdılar. İndisə belə məyus vəziyyətdədirlər.

- Hər halda, Qəbələdə keçirilən matçda favorit sayılırdınız. Hesab etmirsiniz ki, bu, ziyanınıza oldu?

- Yox. Gördüm ki, futbolçular oyuna necə köklənirdilər, finala necə ciddi yanaşırlar. Oyuna hazırlıq müddətində onlarla fərdi söhbətlərim oldu. Matçla bağlı hər şeyi müzakirə etdik - taktikanı da, strategiyanı da. Təəssüf ki, istəklərimiz uğurla həyata keçmədi. 

- Mövsümdə ilk dəfə 5 müdafiəçi ilə oynayırdınız. Bu taktiki dəyişiklik nəylə bağlı idi?

- Bu haqda danışmağa dəyməz. Çünki nominal taktiki sxem heç bir əhəmiyyət daşımır. Önəmli olan onun necə işləməsidi. Bu gün onu necə istifadə etdiyinimzə baxsaq, demək olmaz ki, beş müdafiəçi idi. Çünki bir az başqa cür idi.

- Filip Ozobiçlə bağlı qərarınız gözlənilməz oldu. O, niyə ehtiyatda qaldı? Əsas heyətdə meydana çıxmağa tam hazır deyildi?

- Hər şeyi analiz edərək belə varianta qərar verdik. Ozobiçin zədəsi vardı. Bu üzdən bir az oyun buraxdı. Oynamağa başlasa da, belə nəticəyə gəldik ki, 90 dəqiqə çıxış etməyə hazır deyil. Ona görə ehtiyatda saxladıq, sonradan meydana buraxdı və oyunu sürətləndirdi. 

- Bu, "Qəbələ"də son oyunuzdu?

- Bəli. 

- Qazaxıstana yollanırsınız?

- Yox. Hələ heç nə deyə bilmirəm. Hara gedirəm? Sizə qərarımın oyundan sonra açıqlayacağımı demişdim. İndi konkret söz deyə bilmərəm. Bu, o vaxt açıqlanır ki, rəsmi müqavilə imzalanır, hər şey həll olunur. 

- Qazaxıstan mətbuatı yazmışdı ki, hətta "Astana"nın prezidenti ilə görüşmüsünüz...

- İndi nə müzakirə edəcəyəm ki, kim nə yazıb... Əvvəla, bunu oxumamışam. İkincisi də biz peşəkarlar bunu necə müzakirə edə bilərik? Dəqiq bir şey olanda deyirəm. İndisə bir şey deyə bilmərəm.

- Hesab edirsiniz ki, məğlubiyyətdə yalnız bəxtsizlik rol oynadı, yoxsa nəsə çatmadı?

- Bəxtsizlik haqda heç bir söz demədim. Sadəcə, onu edim ki, tam bərabər səviyyəli oyun idi. Ola bilər ki, bir az ərazi üstünlüyümüz var idi. Ancaq bu, heç bir rol oynamır. Belə qarşılaşmada qol vurmaq vacib idi. Kim vuracaqdı, qazanacaqdı. Bunu "Keşlə" bacardı.  

- "Qəbələ" kuboku qazansaydı, getmək qərarınıza yenidəmn baxa bilərdiniz?

- İndi deyə bilmərəm ki, bu, olsaydı, necə olardı. 

- Qərarınız nəticədən asılı idi?

- Məsələn, incələyə bilmərəm. Sadəcə, sizə onu bəyan edirəm ki, bu, "Qəbələ"də son matçım idi. Düşünmürəm ki, necə oynamağımız hansısa önəm daşıyardı. 

- Azərbaycan sərgüzəştlərinizi necə dəyərləndirərdiniz?

- Əvvəla, bunun qələbəylə yekunlaşmasını çox istəyərdim. Çünki futbol planında çox yaxşı anlarımız olub. Burda həmişə insanların özümə qarşı hörmətini hiss etmişəm, bütün jurnalistlərdən daim peşəkar münasibət görmüşəm. Buna görə indi fürsətdən istifadə edərək sizə minnətdarlığımı bildirirəm. Onu deyə bilərəm ki, bu münasibət qarşılıqlıdı. Dəfələrdə bildirmişəm ki, burda çox şey öyrənmişəm. Azərbaycana, xalqına, xüsusilə də futbol azarkeşlərinə çox minnətdaram. Futboldan danışırıq, ancaq onu da bilirəm ki, bu gün ölkə böyük bayramı qeyd edir. müsahibəmizi bütün Azərbaycanı bu 100 illik yubiley münasibətlə təbriklərimi çatdırmaqla bitirmək istəyirəm. Təkcə azarkeşlərə görə, bütün Azərbaycan xalqına ən xoş arzularımı çatdırıram. 

 

 





Xəbər lenti







Keşlə Qarabağ Qəbələ Sumqayıt Neftçi Səbail Zirə Sabah