Azərbaycan Premyer Liqasının sonuncu turunda “Sumqayıt” “Zirə”yə 1:2 uduzaraq Avropa Liqasına getmək şansını itirib.
Newsport.az-ın məlumatına görə, oyundan sonra komandanın baş məşqçisi Samir Abasov istefa verib. O, qərarını mətbuat konfransında açıqlayıb.
O bildirib ki, bu, komandada sonuncu oyunu olub: "Belə şərtlərlə işləyə bilmərəm. Çünki "Sumqayıt" sanki reabilitasiya mərkəzidir. Rəhbərliklə danışmamışam. Amma böyük ehtimalla burda qalmayacam".
Xatırladaq ki, bu məğlubiyyətdən sonra "Sumqayıt" Premyer Liqanı 5-ci yerdə başa vurub və Avroliqaya vəsiqə qazana bilməyib.