Dünən U-16 Liqasında 32-ci turun 4 oyunu keçirildi. «Qəbələ»nin çempionluğu, «Vətən»in isə gümüş medalları vaxtından əvvəl qazandığı birincilikdə əsas mübarizə bürünc medallar uğrunda gedir ki, artıq, 3 namizəddən 1-i son turun nəticəsindən asılı olmayaraq, mübarizədən kənarda qaldı. Söhbət «ev»də «Qəbələ»yə böyük hesabla məğlub olan «Keşlə»dən gedir. Digər namizədlərdən «Zirə» də büdrədi. Amma bu komanda 3-cü yer şansını saxlayır. «Üçlük»dən yalnız «Neftçi» turu itkisiz başa vurdu.

32-ci tur

«Keşlə» - «Qəbələ» 1:6

«Neftçi» İK İB – «Zirə» 2:2

«Sumqayıt» - «Səbail» 1:0

«Neftçi» - «Turan» 7:0

Tura bu gün «Vətən» - «Kəpəz» matçı ilə yekun vurulacaq. «Neftçi Baza»da baş tutacaq  qarşılaşmanın başlama vaxtı 14:30-dur.

U-16 Liqasında sonuncu – 33-cü turun oyunları mayın 24-də keçiriləcək: «Zirə» - «Sumqayıt», «Qəbələ» - «Neftçi» İK İB, «Turan» - «Keşlə», «Kəpəz» - «Neftçi», «Qarabağ» - «Vətən». Oyunların başlama vaxtı barədə əlavə məlumat verəcəyik.

Bombardir: Emil Quluzadə («Vətən») – 25 qol.

«Het-trik news» qəzetinin və sportinfo.az saytının birgə layihəsi