Newsport.az saytının məlumatına görə, Ruslan Abışovun sarı vərəqə aldığı – yəni Vaqif Cavadova epizod bitdikdən sonra ayaqla zərbə endirməsindən sonra ara bi qədər qarışıb. 4-cü hakim Ömər Paşayevin yardımı ilə Ruslan Abışova referi Rəhim Həsənov tərəfindən sarı vərəqə göstəriləsə də, “Keşlə” tərəfi bu qərarla razı deyil. Belə ki, oyunun fasiləsi ərəfəsində baş məşqçi Yuri Maksimov 4-cü hakimə kəskin etiraz bildirib. Bundan əlavə, Vaqif Cavadovla “Neftçi”nin baş məşqçisi Tərlan Əhmədov arasında da söz atışması olub.
Qeyd edək ki, Cavadov vaxtilə AZAL-da Tərlan Əhmədovun rəhbərliyi altında oynayıb.