“Neftçi” klubunun yeni transferi Soni Mustivar sıradan çıxıb.
Newsport.az -ın məlumatına görə, Azərbaycana gəldikdən bir müddət sonra “Neftçi”nin əsas heyət üzvünə çevrilən haitili yarımmüdafiəçi zədələnib. Mustivar Azərbaycan Premyer Liqasının XXV turunda keçiriləcək “Keşlə” – “Neftçi” matçında iştirak edə bilməyəcək.
Qeyd edək ki, medallar və avrokuboklar uğrunda mübarizəni davam etdirən "Neftçi" aprelin 28-də "Keşlə"nin qonağı olacaq. Sözügedən matç saat 16:00-da başlayacaq.