Bu gün və sabah “Boulevard U-15 Liqası"nda 26-cı turun oyunları keçiriləcək.
Ötən turdan fərqli olaraq bu həftənin nisbətən maraqsız keçəcəyi gözlənilir. Bunun da 2 səbəbi var. Birincisi, çempionatın iddialıları nisbətən zəif rəqiblərlə qarşılaşacaqlar. İkincisi isə, çempionluq uğrunda mübarizə aparan iki komandanın iştirakı ilə keçiriləcək oyunların təxirə salınmasıdır.
Söhbət «Neftçi» - «Qəbələ» və İOEUGİM - «Vətən» matçlarından gedir. Səbəb «Qəbələ» və «Vətən»in 5 futbolçusunun U-16 millimizin düşərgəsində olmasıdır. «Qarabağ»ın istirahət edəcəyi həftədə baş tutacaq 5 oyundan nisbətən maraqlı və prinsipial matç kimi «Neftçi» İK İB – «Səbail» qarşılaşmasını göstərə bilərik.
26-cı tur
21 aprel (şənbə)
13:30 «Keşlə» - «Turan»
(«İnter Arena», 4-cü meydan)
14:00 «Zirə» - «Zaqatala»
(Aviasiya Akademiyasının stadionu)
14:00 «Neftçi» İK İB – «Səbail»
(Lökbatan OİK-nin stadionu)
16:00 İsgəndər Cavadov BFA – «Sumqayıt»
(«Bakı Baza»)
22 aprel (bazar)
16:00 «Kəpəz» - «Viləş»
(Gəncə şəhəri, TİM-nin meydanı)
Bombardirlər: Elvin Abdullayev («Vətən») – 26 qol, Mehrac Baxşəliyev («Qəbələ») – 25 qol.
«Het-trik news»