Azərbaycan Premyer Liqasının 23-cü turunda "Qarabağ" səfərdə "Kəpəz"i məğlub edib - 1:0.
Newsport.az-ın Gəncəyə ezam edilmiş əməkdaşı xəbər verir ki, oyundan sonra problem yaşanıb. Polislər çıxış qapılarını bağlayaraq jurnalistləri və AFFA nümayəndəsi Nüvər Xasıyevi meydandan getməyə qoymayıblar. Buna səbəb Gəncə şəhərinin icra başçısı Elmar Vəliyevin stadionun kənarında olması olub. 10 dəqiqəlik danışıqlardan sonra AFFA nümayəndəsi Nüvər Xasıyev və oyunu işıqlandıran jurnalistlər stadiondan buraxılıblar.