AFFA Azərbaycan və Belarus yığmaları arasında keçirilmiş yoxlama oyunu ilə əlaqədar azarkeşlərdən üzr istəyib.

Newsport.az qurumun “Facebook”dakı rəsmi səhifəsinə istinadən xəbər verir ki, görüş zamanı texniki qüsura yol verilib. Belə ki, stadionun tablosunda AFFA tərəfindən yeni şriftlərdən istifadə olunduğu üçün daxil olunmuş sözlərdə bəzi hərflər oxunmayıb və texniki qüsurlara yol verilib. AFFA bununla bağlı azarkeşlərimizdən üzr istəyib.

Qeyd edək ki, millimiz bu qarşılaşmada Belarusa 0:1 hesabıyla məğlub olub.