Azərbaycan Premyer Liqasının 19-cu turunun “Qarabağ” - “Zirə” matçı öncəsi xoşagəlməz hadisə yaşanıb.
Newsport.az-ın stadiona ezam olunmuş əməkdaşının verdiyi məlumata görə, Ağdam klubunun azarkeşləri bir-birinə girib. Belə ki, 2 azarkeş qrupu (biri "İmarət" olmaqla) üzvləri arasında söz atışması davaya çevrilib və azarkeşlərdən biri vəhşicəsinə döyülüb.
Qeyd edək ki, hadisə polis müdaxiləsi nəticəsində sakitləşib və azarkeşlərdən bir neçəsi polis şöbəsinə aparılıb.